شنّ القيادي في حركة فتح أمين جميل، هجومًا لاذعًا على قيادة حركته في ظل استمرارها بنهج التنسيق الأمني مع الاحتلال وملاحقة المقاومين بالضفة.

وقال جميل في مقطع فيديو منشور على الفيسبوك: إن الحركة مغتصبة ومحتلة من مرتزقة تنسق أمنيا مع الاحتلال وتقدم معلومات للاحتلال (الإسرائيلي) في الوقت الذي تتصاعد به جرائم الاحتلال بالضفة.

وأضاف: "الضفة الغربية بأكلمها ستثور على جرائمه، مش سهل ينتسي.. شباب بتنغل دم.. بتجاهد وبتقاتل وانت شغّال بمسار تاني.. بيشتغل تنسيق أمني عليه وبلاحقه وبجمع المعلومة لـ(لإسرائيلي).. والله الحكي هذا لو على أجسادنا مش رح يمشي".

وتابع: "اللي بحاول يشكك بفتحاويتنا.. كل الشباب هان فتح.. بالنهاية احنا فلسطينية.. اللي بده يشكك بفتحاويتنا.. مش هاي فتح اللي بعرفها.. فتح مغتصبة.. فتح محتلة من مرتزقة.. فتح خط .. فتح تاريخ.. فتح مسار".

وشدّد جميل على أن ما يجري معركة وعي، وإما تختار قيادة فتح أن تكون مع المسار الفلسطيني أو (الإسرائيلي).

وختم حديثه بقوله: "شو قصة تقعد مع (الإسرائيلي) وتعطيه معلومة أمنية؟! هذا مطارد.. وهذا لاحقه من هون.. وهذا بشكللنا إحراج تعالوله بالليل، مين إنتوا؟ مين إنتوا؟ مين إنتوا؟!، ولكم اتقوا الله.. اتقوا الله".